ಸರ್ಕಾರವು ಮಂಡಳಿಗೆ ವಿಭಾಗೀಯ ಕಮೀಷನರ್ ಹುದ್ದೆಗಿರುವ ಹೆಚ್ಚಿನ ಮಟ್ಟದ ಅಧಿಕಾರಿಯನ್ನು ಕಾರ್ಯದರ್ಶಿಯಾಗಿ ನೇಮಿಸುತ್ತಾರೆ. ಕಾರ್ಯದರ್ಶಿಯವರು ಮಂಡಳಿಯ ಮುಖ್ಯ ಕಾರ್ಯನಿರ್ವಾಹಕರಾಗಿರುತ್ತಾರೆ.
ಕಾರ್ಯದರ್ಶಿಯವರಿಗೆ ಈ ಕೆಳಗಿರುವ ಅಧಿಕಾರಿಗಳನ್ನು ಮಂಡಳಿಯ ಕೆಲಸ ನಿರ್ವಹಿಸಲು ನಿಯೋಜಿಸಲಾಗಿದೆ.
ಅಧೀನ ಕಾರ್ಯದರ್ಶಿ
ಅಧೀನ ಕಾರ್ಯದರ್ಶಿಯವರನ್ನು ಕಾರ್ಯದರ್ಶಿಯವರಿಗೆ ಮಂಡಳಿಯ ನಿಯಮಗಳನ್ನು ಮತ್ತು ಅಧಿನಿಯಮಗಳನ್ನು ಅನುಷ್ಟಾನಗೊಳಿಸಲು ಸಹಕರಿಸಲು ನಿಯೋಜಿಸಲಾಗಿದೆ.
ಹಣಕಾಸು ನಿಯಂತ್ರಕರು
ಹಣಕಾಸು ನಿಯಂತ್ರಣಾಧಿಕಾರಿಗಳು ಮಂಡಳಿಯ ಅಧಿನಿಯಮ 1993 ನಿಯಮ (11) ರಂತೆ ಹಣಕಾಸು ವಿಷಯದಲ್ಲಿ ಸಹಕರಿಸುವಂತೆ ಈ ಕೆಳಕಂಡಂತೆ ಕಾರ್ಯನಿರ್ವಹಿಸುವುದು.
ಮಂಡಳಿಯ ವಾರ್ಷಿಕ ಬಡ್ಜೆಟ್ ನ್ನು ತಯಾರಿಸುವುದು.
ಯೋಜನಾ ಶಾಖೆಗೆ ವಾರ್ಷಿಕ ಕ್ರಿಯಾ ಯೋಜನೆ ತಯಾರಿಸಲು ವಿವರಗಳನ್ನು ನೀಡುವುದು.
ಅನುಷ್ಟಾನಾಧಿಕಾರಿಗಳಿಂದ ಎಲ್ಲಾ ಕಾಮಗಾರಿಗೆ ತಗುಲಿದ ವೆಚ್ಚದ ವಿವರ ಹಾಗೂ ಬಳಕೆ ಪ್ರಮಾಣ ಪತ್ರವನ್ನು ಪಡೆದು ಮಂಡಳಿಯ ಲೆಕ್ಕವನ್ನು ಸಿದ್ದಪಡಿಸುವುದು.
ಅಕೌಂಟೆಂಟ್ ಜನರಲ್ ಕರ್ನಾಟಕ ಇವರ ಆಡಿಟ್ ವರದಿಗೆ ಅನುಪಾಲನಾ ವರದಿಯನ್ನು ಸಲ್ಲಿಸುವುದು.
ಕಾರ್ಯದರ್ಶಿಯವರಿಗೆ ಹಣಕಾಸು ನಿಯಂತ್ರಣಾಧಿಕಾರಿಯಾಗಿ ಮಂಡಳಿಯ ಎಲ್ಲಾ ಲೆಕ್ಕಗಳಿಗೂ, ಬಡ್ಜೆಟ್ ತಯಾರಿಸಲು ಹಾಗೂ ಹಣಕಾಸಿನ ನಿಯಮಗಳ ಬಗ್ಗೆ ಕಾರ್ಯದರ್ಶಿಯವರಿಗೆ ಸಹಕರಿಸುವುದು.
ಉಪನಿರ್ದೇಶಕರು (ಯೋಜನೆ)
ಉಪನಿರ್ದೇಶಕರು (ಯೋಜನೆ) ಇವರ ಕಾರ್ಯವೈಖರಿ ಮತ್ತು ಜವಾಬ್ದಾರಿಗಳು
ಎಂ.ಎಂ.ಆರ್. ಮೀಟಿಂಗ್ ಗೆ ಬೇಕಾಗಿರುವ ಬುಕ್ ಲೆಟ್ ನ್ನು ತಯಾರಿಸಿ ಮಂಡಳಿಯ ಮಿಟಿಂಗ್ ಗೆ ಹಾಗೂ ಸರ್ಕಾರಕ್ಕೆ ಸಲ್ಲಿಸುವುದು.
ಮಂಡಳಿಯ ಸಭೆ ಮತ್ತು ಅನುಷ್ಟಾನಾಧಿಕಾರಿಗಳ ಸಭೆಗಳನ್ನು ನಡೆಸುವುದು.
ಮಂಡಳಿಯ ಕಾರ್ಯದರ್ಶಿಯವರಲ್ಲಿ ಚರ್ಚಿಸಿ ಸಭೆಯ ಅಜೆಂಡಾ, ನಡಾವಳಿಗಳನ್ನು ತಯಾರಿಸುವುದು.
ವಾರ್ಷಿಕ ಕ್ರಿಯಾ ಯೋಜನೆಯ ಪ್ರಸ್ತಾವನೆಯನ್ನು ತಯಾರಿಸಿ ಮಂಡಳಿಯ ಸಭೆಗೆ ಮಂಡಿಸುವುದು ಹಾಗೂ ಅನುಮೋದನೆಯಾದ ಕ್ರಿಯಾ ಯೋಜನೆಯನ್ನು ಸರ್ಕಾರಕ್ಕೆ ಸಲ್ಲಿಸುವುದು.
ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಬೇರೆ ಬೇರೆ ಕಾರ್ಯಕ್ರಾಮಗಳಿಗೆ innovative ಕಾರ್ಯಕ್ರಮ ರೂಪಿಸುವುದು.
ಮಲೆನಾಡು ಪ್ರದೇಶ ಅಭಿವೃದ್ಧಿ ಮಂಡಳಿ ವೆಬ್ ಸೈಟ್ ನ್ನು ನಿಯತಕಾಲಿಕವಾಗಿ Update ಮಾಡುವುದು.
ಮಂಡಳಿಯ ಕಾರ್ಯದರ್ಶಿಯವರು ಯೋಜನೆಗೆ ಸಂಬಂಧಿಸಿದ ಯಾವುದಾದರೂ ಕೆಲಸವನ್ನು ವಹಿಸಿದಲ್ಲಿ ಮಾಡುವುದು.
ಕಾರ್ಯಪಾಲಕ ಅಭಿಯಂತರರು
ಕಾರ್ಯಪಾಲಕ ಅಭಿಯಂತರರ ಕಾರ್ಯವೈಖರಿ ಮತ್ತು ಜವಾಬ್ದಾರಿಗಳು.
ತಾಂತ್ರಿಕ ಪರಿಶೀಲನೆ ಮತ್ತು ಅಂದಾಜು ಪಟ್ಟಿಯ
ಕಾರ್ಯದರ್ಶಿಯವರ ಸೂಚಿಸಿದ ಅಂದಾಜು ಪಟ್ಟಿಗಳ ತಾಂತ್ರಿಕ ಪರಿಶೀಲನೆ.
ಬೇರೆ ಬೇರೆ ಅನುಷ್ಟಾನಾಧಿಕಾರಿಗಳು ನಿರ್ವಹಿಸಿದ ಮಂಡಳಿಯ ಕಾಮಗಾರಿಗಳ ಪರಿಶೀಲನೆ.
ಮಂಡಳಿಯ ಸದಸ್ಯರು / ಸಾರ್ವಜನಿಕರಿಂದ ಮಂಡಳಿಯ ಕಾಮಗಾರಿಯಲ್ಲಿನ ದೂರುಗಳ ಪರಿಶೀಲನೆ.
ವಾರ್ಷಿಕ ಕ್ರಿಯಾ ಯೋಜನೆಯನ್ನು ತಯಾರಿಸಲು ತಾಂತ್ರಿಕ ಸಲಹೆಗಳನ್ನು ನೀಡುವುದು.
ಮಂಡಳಿಯ ಕಾರ್ಯದರ್ಶಿಯವರು ಬೇರೆ ಯಾವುದಾದರೂ ತಾಂತ್ರಿಕ ಕೆಲಸವನ್ನು ವಹಿಸಿದಲ್ಲಿ ಮಾಡುವುದು.
ಸಂಸ್ಥೆಯ ನಕ್ಷೆ
ಆಡಳಿತ
ಆಡಳಿತಾತ್ಮಕವಾಗಿ ಈ ಮಾಲೆನಾಡು ಪ್ರದೇಶ ಅಭಿವೃದ್ಧಿ ಮಂಡಳಿಯು ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಗಳ ನೇತೃತ್ವದ ಕರ್ನಾಟಕ ಸರ್ಕಾರದ, ಯೋಜನೆ, ಕಾರ್ಯಕ್ರಮ ಸಂಯೋಜನೆ ಮತ್ತು ಸಾಂಖ್ಯಿಕ ಅಧೀನದಲ್ಲಿರುತ್ತದೆ.